شور
.
مثل ماي برمل مني تبده
من سار الضعن لمن تعده
فرغ عدهم مجان وما خذوني
رحل كلمن نحبه و النوده
.
.
الكلب محروك وعيني اتجاره
ذبل عودي واهو بعزت خضاره
هلي شنهي الاجاكم ما تردون
و مالي حيل وكتي ولا مراره
.
عليله والوكت مايرحم الحال
اذكروني بحلم ودولي مرسال
و عكبكم يا هلي ماليه حيله
ماشوهن من بعدكم راحت البال
.
.
عفتوني عريبه يهلي بالدار
تركتو جم جرح ومصايب اكبار
تعاين عمتي اليه ودمعت العين
ما ادري بسفركم شنهي الصار
.
.
الله يعين كلبي بغربته ونوح
عله فكد الغوالي طلعت الروح
ما شوفن فرح لا راحت البال
ازعار اعمارنه واكبار الجروح
.
.
وحيده والاهل عن عيني ابعاد
تره افراك الاحبه يطر الافاد
فوكاها والمرض تعبني يا ناس
حلم يجمعني بيهم بلكي معاد
.
.
حسن صالح العيساوي


https://www.tg-me.com/joinchat-UShxzSh6DyF31x9W

ننخاك يارب الســمه ياربي حُسن الخاتمه
عطفك نريدة بالــــقيامة علينا
تشـــــهد ادينة باچر ورجلينا
ياربي حُسن الخاتمة
------------------------------------------------
بالدنيا لازم نســــتعد هاي الحـــياة دار الممر
ونبنـيها دار الآخــرة الآخــرة دار المــــــــقر
نشيدها لازم بالعـمل ونجـنب اِلنار وســــــقر
انوالي النبي وعترته همه الامان من الخطر
(بالآخرة حيدر سنــــد فاز الذي بيه اعتقد)
يسألنا عنهم بالحشر بارينا
تشهد ادينة باچر ورجليــنا
------------------------------------------------
منصوبة باچر محكمة والقاضي رب المغــــفرة
زغيرة وچبيرة تنسأل ما تنــــــــفعك اي معــذرة
الشاهد ايدك بالحــشر تحچي عليك شـــما جرة
خلها تشــــارك بالعـزة تنـفع ابيــوم الآخــــرة
(مادام ايدك لاطــمة حسين يحظر خادمة)
هاي المجالس من شعائر دينا
تشـــــهد ادينا باچر ورجلـينا
------------------------------------------------
الشــــاهد الثاني شــــهد يحچيها كل نكَلة جــدم
هنيالة كل الي ســـــعه بالخير بالمحــشر ســــلم
رجليك تشهد بالصدكَ يم ربك وكل شــــي علم
تحظر مجالس تشترك محسوبة خلها ويالخدم
(علمها تمشي لكربلة تشهد شهادة فاضلة)
تخبر الباري بكل درب ماشينا
تشــــــهد ادينا باچــــــر ورجلــينا
------------------------------------------------


العين باچر تعـــــترف والباري كَاعد يستمع
كل نظرة منك تنــكتب ومســجله وبأي وضع
انچانت حرام مســترة لو نضره بيها تنــــــتفع
احسن شهادة تنفــــعك بالماتم اتصب الدمــع
(لحسين عينه النايحة ابيوم القيامة رابحة)
تكَلة الهي شكَد دمع صبينا
تشهد ادينا باچر ورجليــنا
------------------------------------------------
شكَد تسمع آذانك حچي غيبة ونميمة لو دجل
تشهد عليك ابمحنــــتك يم العــــلي عز وجل
اســــــمع كلام الينـفعك واحفظها جدمك لاتزل
احظر مجالس واسـتمع بآل النبي شنهي حصل
(اسمع مصاب ال النبي وكلها اسمعي اتهذبي)
اسمع مصيبة كربله وحسينا
تشــــهد ادينا باچر ورجلــــينا
------------------------------------------------
الدور للــــــــسانك اجه يحــــچي حياتك كاملة
كل چلمة منك تنــــذكر تلـكَاها غاد مســــجلة
ميفيد نكران الـــحچي وعليه شــــاهد من هلة
علمه يسولف منفعــــة وحب الحسين ايرتلة
(وياك دنيا واخــــــرة يحسين حبك مفخرة)
يوم القيامة ندري ما ناسينا
تشــــــهد ادينا باچر ورجــــلينا
------------------------------------------------


أسألكم الدعاء رائــــــــد الاسدي


https://www.tg-me.com/joinchat-UShxzSh6DyF31x9W

قصة عشگ ما تنتهي   من مولدي المماتي.
انت ملاذي ومسكني.  كل صومي وصلاتي 
نبض الگلب نبض الگلب
. يحسين غيرك ما احب          
  
،،،،،،،،،،،،،،،،،،،،،،،.          ،،،،،،،،.             
من ماي حبك مرتوي.    ترويني وانت العطشان
وروحي الصبخه خضرت.   وغذيتهه. بالإيمان
ونورت وجهي ابتربتك  والعشگ أصبح عنوان
دونك أضيع وأنتهي. أصبح خبر في ما كان

نبع الوفه  . والعاطفه   . محبوبي وهواك
حبك شفه. وأجمل صفه . محبوبي وهواك
والحضره جنه الهه اطب
يحسين غيرك ما احب
،،،،،،،،،،،،،،،،،،،،،،،،،،،،،،،،،،،،،،،،،
بجروحي انت ملتهي    وجروحك اتبجي الكون.
حاظر الگاك ابشدتي.    دومك تمدلي ايد العون
وياي واگفلي اشكثر.   الف أنعم الله وممنون
يا حلمي ينياط الگلب. مجنون بيك ومفتون

يا سيدي   بيك اقتدي.   ومشى اعله ممشاك
وبيك اهتدي  وبيك ابتدي  ومشي اعله ممشاك
ياماي روحي ياعذب
يحسين غيرك ما احب
،،،،،،،،،،،،،،،،،،،،،
باسمك اتغزل واعترف  انت الهوى ومحبوبي
ومحلاته عشگك غايتي.  . يمحيلي كل اذنوبي
وحجي ويه روحي كل وكت . من هالعشك لتوبي
 طاهر مقدس هل عشگ. هو الدوه ومشروبي
كلي همت. بيك آمنت. رغمآ على اعداك
بأسمك صحت. لا ما طحت. رغمآ على اعداك
للحاربك أعلن حرب
يحسين غيرك ما احب
انت ملاذي ومسكني كل صومي وصلاتي
🔸🔸🔸🔸🔸🔸🔸🔸🔸
شيريد وشيطلب بعد   اليندلك ويتعناك
شمضيع ويلگه شكو.   هنياله كلمن يلگاك
أيفوز دنيا وأخره       يحسين فاز اليهواك
كل أمنياته ومطلبه. تشفعله مولايه أهناك

يا سمعتي  ويا هيبتي.  يانور الانوار
ويادمعتي ويا شمعتي   يا نور الانوار
يحنين وگلبك رحب
يحسين غيرك ما احب
🔸🔸🔸🔸🔸🔸🔸🔸
كل  ما ادگ بابك واجي  مايوم سديت الباب
ما فشلتني واعترف   يابن الهدى والاطياب
واقسم ببوك المرتضى  حيدر شهيد المحراب
من روحي اغلى ومن هلي. انت أعز الاحباب


مثل الشهد. احلى بعد. ارسي اعله مرساك
انت السند. وانت المدد. ارسي أعله مرساك

حبك نبع صافي وعذب
يحسين غيرك ما أحب


الشاعر ،،هادي الساعدي

لسان حال السيده زينب بعد مصرع الحسين عليه السلام وبعد حرق الخيام

***

اجيتك تايــــــــهه او مندل يالحسين

مكسور الكلـــــــب ومغوركه العين

دخان وحـــــــرك يبن أمـي جاوين

جثيره اعله الرمل خويه المطاعين

***

اسحك عالرمل والكــــــــاع حمره

جثث واسيوف والله و نار جمـــره

ادور وين طايـــــــــح على الغبره

واشمن من بعـــــــد ريحة الزهره

***

حافي الجدم واتخطـــــى المجاتيل

واصدلي  الجسـد من غير تغسيل

من نحره الدمـــــــوم اتنبع اتسيل

التوه كلبي واحســــن ميت الحيل

***

اعاين للجســد بالحـــــــجر مدفون

واصدله واشوف الصـدر مطحون

وبخاصرته اشوفن رمــح مطعون

والحافر اضنه امــــــرد  المــتون

***

وصلته وطحت يمه فــوك التراب

ارجف وابجي واتفكـــر للمصاب

دخن جمـــر كلبي وطلــع عطاب

مكلوب اعله وجهه نسل الاطياب

***

ميت وانكطــــــع راســـه واصبعه

طايح بيدي شــــلته اشلون ارجعه

جرح كله انوح اعلــــــــــيه وانعه

النحر مكطوع ويلي اشلون كطعه

***

ذاري الرمل ويلـــــي ترس نحره

وكمت بالشيله امسح جرح صدره

وامسح بالتراب  العلــــــى ظهره

اصدلـــــــــــــه توذر وذره وذره

***

كأنما الحسين عليه السلام كلمها من نحره الشريف

***

وبعد ماحبتهه بعظمـــة المنحـــر

وبعد مازاد ونهه والدمـــع خـــر

وكلبهه امن الحــزن والله تفطـر

ومنهه البال مشـــــــــدوه وتحير

***

من النحر جن حاجاهه الحســين

كللهه يزينــــــــــب الله المعـــين

كافي امن البجي يم كلب الحنين

بطلي النوح كومي نشفي العـين

اريدج يالاخت هســــــه تكومين

ولخيامي خيتــــي الساع ترحين

تتناج اليتامــــــــــــه والنسواين

****

خلصت يالأخت بالطف حياتي

يخيتي بكربله اصـــــبح مماتي

وسلبو صايتي خويـــه وعباتي

عريان وذبح صــــارت وفاتي

يخيتي اوصـيج بعـيالي وبناتي

باريلي اليتامــــه وكـل خواتي

***

عينج بالاخص يختي الرقــيه

خافن تفكد الوالـــــــد خطــيه

وتنشدج يالعقيلــه بهالمســـيه

تريد اتشوفني ابكـــل مغربيه

حنينه وتشبه الزهره الزجـيه

لتخـــــــبرينــهه بهاي المنيه




ابو علي الركابي

آهات الجواد (عليه السلام)


آه اعليك يابن الرضه

ــــــــــــــــــــــــــــــــــــــ

زهرة شبابك سيدي..ذبلهه سم الاحزان
ياكوثر الزهره العذب..معقوله ميت عطشان
عالسطح خلوك العده..جثه وتدور دفان
بيده يشيع اجنازته.. الماعنده اخوه وصحبان

چا ياهو جفنك غمضه

ــــــــــــــــــــــــــــــــــــــ

انته الجواد الحيرت..قاضي القضاة بعلمك
چنك مثل يحيى النبي..ازغير ولامع نجمك
والباري آتاك الحكم.. واختارك ابطن امك
بالكاظميه اتصب ضوه..والشيعه تلهج بسمك

ياغصن من المرتضى

ــــــــــــــــــــــــــــــــــــــ

يالعمرك اولاية عشگ.. يالبيتك احسينيه
تتشاهد آهات ودمع..دينك بچي ولطميه
تذكر احسين وذبحته..موكل سنه يوميه
وامتونك اتحس بوجع..من تذكر المسبيه

بيمن الراح اتعوضه

ــــــــــــــــــــــــــــــــــــــ

لآخر حياتك والالم .. ظل يمشي وي اخيالك
اتنام وتغمض والظعن..گاعد يظل ابالك
الناعي القره ابيت الرضه.. ظل هم يجي ويقرالك
والحمد لله من متت..الهادي اجاك وشالك

وجدك اضلوعه امرضرضه


محمد الجماسي

#اللهم_عجل_لوليك_الفرج



https://www.tg-me.com/joinchat-UShxzSh6DyF31x9W

يالعايفني كوه وكوه تمشــــي
كبل لتروح شيل اوياك نعشي
يا نبعة حناني      يم الباب أتاني
عليله عليله
...................................................
ريت.. جيت..من طاحن أدموعي وي خطى جدمك
نار..نار..تسعر من أريــــــــــــــــدك والهج أبأسمك
صوت..موت..يراودني واجـــــــــــي لثيابك أشتمك
آه..آه..نبض كلبي يسيًر كـــــــــــــــــل مسه يمك
من حمًل ضعنكم وآنه آنه
ماي أعيوني رشيته أمانـه
حرز سبع المثاني       يـــــــم الباب أتاني
عليله عليله
.....................................................
صاح..راح..صدى صوتـــي أسمعه ويذبح أحلامي
راد..راد..ولو طيفك يجـــــــــــــي ويكحل أيامي
خوف..خوف..تًمَلك كـــــل شعوري وعالم ألهامي
وين.. وين..أدور وحشـــــــــه داري والفكر ضامي
على الحيطان أعاين هلبت ألكه
أثر شمة عطر وبروحي أشبكه
من الفركه أعاني       يم الباب أتاني
عليله عليله
................................................
ليش..ليش..أسأل روحــــــــــــي ليش الوحدي عافوني
كون..كون..عليله ولـــــــــــــــــــو دعوا أهلي يشافوني
جان..جان..بسفرهم وي خواتـــــــــــــي أمشي خلوني
وين..وين..نيتهم هلـــــــــــــــــــــــــــي وهلبت يطمنوني
أسألمن عليهم عن خبرهم
لا ألهم أثـــر واتبع أثرهم
بقيت أحسب ثواني      يـــــــــم الباب أتاني
عليله عليله
...................................................
نوم..دوم..ما مر أعله جفنــــــــــــي ولا ضكت طعمه
ليل..ليل..خلًصت الليالــــــــــــــــــــــــي بوحشة الضلمه
كاف..صاد..حرز شديت فــــــــــــــــوك أمتوني وامحزمه
عود..عود..بويه حسيـــــــــــــــــــن فدوه ورجع البسمه
ذبل عودي وخضاري يا ضحكتي
عسن لـــو طيف بويه وكول بنتي
دمع هجرك عماني       يــــــــم الباب أتاني
عليله عليله
..............................................
روح..روح..بيه ما بقت واشتــــــــــــــــــم هوه أنفاسك
مات..مات..حلمــــــــــــي وعالرمل أنضر كطع راسك
شوك..شوك..ياخذنـــــــــــي أعله حضنك وافكد أحساسك
طاح..طاح..يكلولـــــــــــــــــــــي واكلهم ما ذبل ياسك
شمحله الموت للفاكد يشوفه
لجن مثلك أبوه ماريد أعوفه
ضل خالي مكاني      يم الباب أتاني
عليله عليه
.....................................................
خادم خدمة الحسين
الشاعر
محمد الموالي

#هوسات

هوسات في إستشهاد الأمام الجواد عليه السلام
****
ياباب المـُراد إو ملجأ المحتار
نعــزّي بيك موسى إو حيدر الكرار
نعــزّي المنتظر وإﻧﮔلـــّه يامغوار
(( ويــّاك الزهره إنواسيها ))
****
وداع اليوم للمسموم ننعاه
نشارك فاطمه وإنصيح واويلاه
سمــّوه الجواد المانـِصـَت يمناه
(( وإتشع فضحتهم أنواره ))
****
قدوه الشيعتك ياتاسع العتره
جاهدت الظلام إو إنكشف أمره
واجهت الظلم ما خـَوّفـَك غدره
(( راياتك إحنه إنــْعلــّيها ))
****
تزهي الكاظميّه إبمرقد النورين
موسى والجواد إلبلكرم طيبين
إولاد الزﭽيـّه إو ﮔـُرّة العينيين
(( أنخاهم واخذ حاجاتي ))
****
إذا رايد شــِفـَه لجروحك الصعبات
إﮔصد للجواد إو إطلب الحاجات
مـَيـْعوفك أبو الهادي أبد هيهات
(( وإتطيب إجروحك تنساها ))
****
جواد إو ما يرد إبن الرضا الزاير
إذا مهموم زوره إو لاتظل حاير
يشع نوره أبد ما ينطفي زاهر
(( وإيهلـّي الوالي إبخطـّاره ))
****
ما خاب إﻠﮔصدلك يا أبو الهادي
يرد مسرور منـّك سيدّي إينادي
إنطاني الأريده إو رَيــّح إفــّادي
(( كل صعبه الغانم ﻳﮔضيها ))
***
مع تحيات شاعر أهل البيت / جابر النجفي